Çagany çagalar bagyna, mekdebe berlende, ýokary okuw mekdebine girilende, täze işe geçilende, daşary ýurtlara dynç almaga ýa-da iş sapary bilen gidilende resminamalar üçin fotosuratlar gerek bolýar. Türkmenistanda täze hereket edip başlan «Fotolab» mobil goşundysy telefonyň galereýasyndan taýýar suraty saýlap ýa-da telefonyň kamerasyna düşürip, gerekli ölçegleri, mysal üçin 3x4 sm saýlamaga we çap edilen görnüşde öýüňe sargyt etmäge mümkinçilik berýär.
«Fotolab» mobil goşundysy nähili hyzmatlary hödürleýär?
Resminamalar üçin suratlary çap etmek
Häzirki zaman smartfonlarynda ýüzlerçe we müňlerçe suratlar toplanýar. Olaryň arasynda biz üçin has gymmatly suratlar bolýar. Emma foto studiýalara baryp, olary çap etmek üçin bolsa wagt tapmak kyn bolup biler. Indi ulanyjylar «Fotolab» mobil goşundysnyň üsti bilen 3-den 90 santimetre çenli islenýän ululygy saýlap, onlaýn çap etmegi sargyt edip bilerler.
Foto suwenirler, sowgatlyk ýadygärlikler
«Fotolab» şeýle hem suwenirleri — suratlaryňyz ýerleşdirilen bokallary, futbolkalary, ýassyklary we ş.m. sowgatlyklary taýýarlap bermek hyzmatyny hem hödürleýär.
Resminamalary çap etmek
Çap etmegiň bu görnüşinde, referatlary, prezentasiýalary we beýleki resminamalary dürli ölçegde (A2/A3/A4/A5), reňkli ýa-da ak-gara görnüşde çap etmek mümkinçiligi elýeterli.
Mobil goşundy häzirki wagtda Aşgabat şäheriniň foto studiýalary bilen iş alyp barýar, şol bir wagtda eýýäm beýleki şäherler bilen gepleşikler geçirilýär. Ýakyn wagtda hyzmat Türkmenistanyň ähli ýerinde hem elýeterli bolar.
«Fotolab» mobil goşundysyny düzüjiler ony yzygiderli kämilleşdirmegiň üstünde işleýärler. Mobil goşundynyň soňky täzelenmesinde şular elýeterli bolar:
- Köne suratlary dikeltmek, surat dizaýny, suratlary düzetmek we täzeden işlemek, kalendarlar, otkrytkalar, korporatiw wizit kartoçkalary we nyşanlary döretmek, suratlar, surat albomlary, breloklar we telefonyň daşyna surat çap etmegi we ş.m. üçin funksiýalar goşular;
- Fotoçy gözlemek we fotosessiýa sargamak;
- Suratkeşe telefondaky suratdan surat çekdirmek
Mobil goşundy häzirlikçe Android smartfonlary üçin elýeterlidir. Emma iOS üçin niýetlenen görnüş hem çykmaga taýýarlanýar. Şeýle hem ulanyjylaryň kompýuter arkaly işlemegi üçin web wersiýany açmak meýilleşdirilýär.
Soraglar ýa-da teklipler bilen şu salga ýüz tutup bilersiňiz: admin@fotolabtm.com
Mobil goşundyny Play Market-den ýükläp almak üçin şu ýere basyň!
