Bloomberg tarapyndan neşir edilen "Milliarderleriň indeksinde" (Bloomberg Billionaires Index) Russiýanyň iň baý telekeçileriniň baýlygynyň şu ýylyň başyndan bäri 13,17 milliard dollar artandygy görünýär. Bu, esasanam kompaniýalaryň paýnamalarynyň bahasyna görä hasaplanýar diýip, TASS ýetirýär.
Bloomberg Billionaires Index-iň maglumatlaryna görä, ýylyň başyndan bäri “Lukoýlyň” esaslandyryjysy Wagit Alekperow 3,17 milliard dollar gazandy, onuň baýlygy 18,5 milliard dollara çenli artdy, "Nowategiň" başlygy Leonid Mihelsonyň baýlygy 1,65 milliard dollar artyp, 26,3 milliard dollara ýetdi. Russiýalylaryň ikisiniň hem nagt serişdeleriniň gymmaty diwidendleriň, içerki söwdanyň, salgytlaryň we bazar şertleriniň seljermesine esaslanýar. Şol bir wagtyň özünde, NLMK-nyň direktorlar geňeşiniň başlygy Wladimir Lisin 1,17 milliard dollar gazanyp, onuň baýlygy 21 milliard dollar boldy.
Habarlar gullugy 2012-nji ýylyň mart aýyndan bäri dünýädäki iň baý 500 adamyň ýagdaýy baradaky maglumatlary öz içine alýan Bloomberg Billionaires Index-i neşir edýär.
