Niderlandlaryň Utreht şäheri Ýewropanyň bäsdeşlige has ukyply sebiti boldy. Bu barada Ýewropa komissiýasy tarapyndan neşir edilen Sebitleýin bäsdeşlige ukyplylyk indeksinde (RCI) aýdylýar diýip, euro-pulse.ru habar berýär.
Sebitleýin bäsdeşlige ukyplylyk indeksi 11 topara bölünen 70 görkeziji esasynda hasaplanýar: profil edaralar, makroykdysady durnuklylyk, infrastruktura, saglyk, başlangyç bilim, ýokary bilim, zähmet bazary, bazaryň göwrümi, tehnologiki ösüş, ýerli işewürligiň çylşyrymlylyk derejesi we innowasiýa.
Utreht ýokary bilimli işleýän ilatyň paýy, innowasiýalar we bazaryň göwrümi boýunça ýokary orunlary eýeleýär. Indekse görä, zähmet bazaryndaky ýaş adamlaryň mümkinçilikleri bu ýerde beýleki sebitler bilen deňeşdirilende örän ýokary. Mundan başga-da, Utrehtde zähmet bazarynda aýallaryň paýy hem uly bolup, bu olaryň bilim derejesiniň ýokarydygyny görkezýär.
Liderleriň üçlügine Niderlandlaryň ýene bir sebiti – Zeýd-Holland we Fransiýanyň Il-de-Frans sebiti girdi.
