2023-nji ýylyň sentýabr aýyndan başlap, Telewideniýe, radiogepleşikler we kinematografiýa baradaky döwlet komitetiniň «Arkadag» teleýaýlymy hereket edip başlar. Teleýaýlymy döretmek hakynda Karara Türkmenistanyň Prezidenti Serdar Berdimuhamedow gol çekdi. Bu barada «Watan» habarlar gepleşiginde habar berildi.
Resminama laýyklykda, täze teleýaýlym gije-gündiziň dowamynda 15 sagatlap gepleşikleri ýaýlyma berer.
Şeýle hem degişli resminama bilen Telewideniýe, radiogepleşikler we kinematografiýa baradaky döwlet komitetiniň merkezi edarasynyň gurluşy tassyklanyldy. Şeýle hem Telewideniýe, radiogepleşikler we kinematografiýa baradaky döwlet komitetine Adalat ministrligi bilen bilelikde karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak we Ministrler Kabinetine bermek tabşyryldy.
