Stellantis kompaniýasy dilerleri iň täze awtoulaglarynyň toplumyny tanyşdyrmak üçin Las-Wegasdaky MGM Grand myhmanhanasyna çagyrdy.
Ilki bilen, gürrüň Jeep Recon Moab 4 xe elektroulagy barada barýar. Ol Stellantis STLA Large EV platformasynda gurlup, e-locker tehnologiýasynda, Jeep Selec-Terrainiň çekiş gözegçiligi arkaly üpjün ediler.
Gapylary aýrylyp-goýulýan, üçegi yzyna çekilýän, Unconnect mediaulgamy bolsa ABŞ-nyň iň öňdebaryjy ugurlaryndan deslapky nawigasiýadan üpjün ediler.
Jeep Recon Moab 4 xe üçin öňünden sargytlar şu ýyl başlanar, önümçilige bolsa, indiki ýylda girişiler.
Şeýle-de büs-bütin başga auditoriýa niýetlenen ýene-de bir tutuşlaýyn elektrik Jeep Wagoneer S EV Bmw iX bilen bäsleşer. Recon ýaly ol hem STLA Large platformasynda gurlan, ýöne onuň hereket dinamikasy we görnüşi şäher şertlerine niýetlenen.
Bu platforma 100 kWt çenli akkumulýatorlary ýerleşdirip biler. Kompaniýa onuň hereket ätiýaçlygynyň 644 km, şeýle-de dört hereketlendirijiniň berýän güýjüniň 600 at güýjüne deň boljakdygyny belleýär.
Satuw Demirgazyk Amerikada we Ýewropada 2024-nji ýylda başlanar.
