Futbol boýunça Gazagystanyň milli ýygyndysy 2024-nji ýylda Germaniýada geçiriljek Ýewropa çempionaty — 2024-iň saýlama tapgyrynda Daniýadan üstün çykdy.
H toparda Astanada geçirilen duşuşykda ýer eýeleri 3:2 hasap bilen ýeňiş gazandylar. Gazaklardan ýarym goragçy Bahtiýor Zaýnutdinow (73-nji min. 11 metrlik), Ashat Tagybergen (86) we Abat Aýmbetow (89) gol geçirdi. Garşydaş topardan Rasmus Hoýlund (21, 36) dubl etdi.
Şeýlelikde, Gazagystanyň milli ýygyndysy toparynda ikinji orny eýeleýär. Daniýalylar üç bal bilen dördünji orunda barýar. Indiki tapgyrda gazak futbolçylary 16-njy iýunda myhmançylykda San Marino bilen, daniýalylar bolsa demirgazyk irlandiýalylar bilen duşuşarlar.
