Moldowada döwlet diliniň adyny rumyn diline üýtgetmek baradaky kanun "Resmi habarlarda" neşir edildi, bu bolsa onuň güýje girendigini aňladýar diýip, RIA Nowosti habar berýär.
Öň, Moldowanyň prezidenti Maýýa Sandu moldowan diliniň deregine rumyn dilini respublikanyň döwlet dili hökmünde ykrar edýän kanuny makullady. Moldowanyň parlamenti geçen penşenbe güni 58 deputatyň ses bermegi bilen döwlet diliniň moldowan dilinden rumyn diline üýtgedilmegini tassyklady. Tassyklanan kanuna laýyklykda, islendik grammatik görnüşdäki "moldowan dili" söz düzümi "rumyn dili" söz düzümi bilen çalşyrylýar. Mundan başga-da, şeýle düzediş hatda konstitusiýa hem giriziler, ýöne, adatça, bu referendumy talap edýär.
