Opel Grandland krossoweriniň indiki neslini öndürip başlamak üçin Aýzenahdaky (Germaniýa) zawodyny döwrebaplaşdyrmaklyga 130 million ýewrodan gowrak maýa goýjakdygyny mälim etdi. Ol elektrik awtoulag bolar we brendiň modelleriniň arasynda ilkinji bolup Stellantis konserniniň başga-da birnäçe täze önümleriniň esasyny düzjek STLA Medium platformasyny alar. Awtoulagyň önümçiligi 2024-nji ýylyň ikinji ýarymynda başlar.
Özboluşly wsedorožnik (başda Grandland X diýlip atlandyryldy) Opel heniz General Motors-yň eýeçiliginde wagty gaýtadan işlenip düzüldi. Şol bir wagtyň özünde, ol fransuz PSA toparynyň EMP2 platformasyndaky hyzmatdaşlygyň çäginde guruldy, soňra Fiat Chrysler bilen birleşip, Stellantis-i emele getirdi. Tehniki taýdan ulag Peugeot 3008-e kybapdaş boldy we bu gatnaşyk indiki nesilde-de dowam etse gerek.
Opel batareýa bilen işleýän Grandland-yň aýratynlyklaryny entek açmady. Emma täze Peugeot 3008-iň hem STLA Medium-yň arhitekturasy esasynda elektrik ulagyna öwrüljekdigi eýýäm mälim. Ol şu ýylyň ikinji ýarymynda çykarylar we goşa motorly ähli tigirleri hereketlendirijini goşmak bilen, güýç gurluşynyň üç görnüşini alar. Bir gezek berlen zarýad bilen ýöreýiş ätiýaçlygy 700 kilometre çenli bolar - görnüşi ýaly, nemes modelinden hem şuňa meňzeş görkezijilere garaşsa bolar.
