Londonyň Dizaýn muzeýinde hytaýly suratkeş we arhitektor Aý Weýweýiň “Aý Weýweý: akyl ýetiriş” sergisiniň açylyşyna taýýarlyk görülýär. Bu wakany anons etmek bilen, ol Legodan ýygnan suratyny görkezdi. Sungat eseri bu toplumyň 650 müň kubiginden ybarat diýip, ARTnews habar berýär. Muny rbclife.ru ýetirýär.
Suratkeş öz işini impressionist suratkeş Klod Mone we onuň “Suw liliýalary” atly kartinasyna bagyşlady. Hytaýly suratkeşiň uzynlygy 15 metr bolan eseri “Suw liliýalary № 1” adyny göterýär. Awtor onuň üçin 22 reňkdäki kubikleri ulandy. Aý Weýweýiň işinde kubikler piksellere meňzeýär.
Muzeýiň metbugat gullugynda bellenilişi ýaly, “Suw liliýalary № 1” – Legodan ýygnalan iň uly iş bolup, ol galereýanyň diwarlarynyň birini tutuş uzynlygyna eýeleýär. Suratkeş tarapyndan Lego bölekleriniň saýlanmagy “häzirkizaman durmuşynda esasy orny eýeleýän döwrebap sanly tehnologiýalar baradaky pikiriň üstünden eltýär we sungatyň häzirkizaman dünýäsinde nähili ýygy-ýygydan ýaýraýandygyndan habar berýär” – diýip, muzeýiň wekilleri belledi.
Klod Moneniň “Suw liliýalary” kartinasynda (1914-1926) suratkeşiň Parižden uzakda bolmadyk Žiwernidäki öýüniň bagyndaky liliýaly howuz şekillendirilipdir. Aý Weýweý öz taslamasynda surata nähilidir bir gapynyň şekilini goşýar. Muzeýde munuň geljekki suratkeşiň we onuň kakasynyň (Hytaýda gadagan edilen şahyr Aý Sin) 1960-njy ýyllarda mejbury sürgünde ýaşan Sinszýan welaýatyndaky ýerasty kümä girelgedigini düşündirdiler.
