BMG-niň Nýu-Ýorkdaky ştab-kwartirasynda Nowruz baýramy bellendi.
Report agentliginiň amerikan býurosynyň habaryna görä, dabarany BMG-de Nowruzy belleýän 12 ýurduň (Türkiýe, Owganystan, Azerbaýjan, Hindistan, Yrak, Eýran, Gazagystan, Gyrgyzystan, Täjigistan, Türkmenistan, Pakistan we Özbegistan) hemişelik wekilhanasy tarapyndan guraldy.
BMG-niň Baş sekretary Antoniu Guterriş öz çykyşynda Nowruzyň täze başlangyçlaryň, täze ýylyň, baharyň we tebigatyň täzelenmeginiň baýramydygyny aýtdy. Nowruzyň dünýäde 300 milliondan gowrak adamy birleşdirýändigini we dürli halklaryň hem-de medeniýetleriň jemgyýetini alamatlandyrýandygyny aýtdy. Baş sekretaryň sözlerine görä, bu baýramçylygyň gymmatlyklary guramanyň dünýäsiniň adam hukuklary we mertebesi ýaly ýörelgelerine laýyk gelýär.
GUterriş «Nowruzyň raýdaşlyk ruhundan» ugur almaga we döwrümiziň görlüp-eşidilmedik kynçylyklaryna garamazdan, planetany goramakda we umumy maksatlara ýetmekde sazlaşygy berkitmäge çagyrdy. Hemmelere bagt, saglyk, parahatçylyk we abadançylyk arzuw etdi.
