Täze Airbus A330-200P2F ýük uçary «Türkmenistan» awiakompaniýasynyň awiaparkynyň üstüni ýetirdi. Bu «Türkmenhowaýollary» bilen ýewropa öndürijisiniň arasyndaky şertnama esasynda ýurdumyza getirilmeli iki howa gämisiniň ilkinjisidir.
Rolls-Royce Trent 700 hereketlendirijisi oturdylan uçar 7,4 müň kilometr uçuş uzaklygynda 60 tonna ýük göterijilige eýe. Bu ýurdumyzyň howa gämileriniň parkynda ýewropa öndürijisiniň ilkinji uçarydyr diýip, Orient agentligi ýazýar.
Uçara tehniki hem-de uçuş hyzmaty boýunça hünärmenler Singapurda we Fransiýada taýýarlyk geçýärler.
