Disney studiýasy Los Anjelesde geçen «Oskar» dabarasynda «Suwperisi» (The Little Mermaid) filminiň täze wersiýasynyň doly derejeli treýlerini görkezdi.
Kadrlarda ilkinji gezek leňňeç Sebastýany we filmiň beýleki gahrymanlaryny görmek mümkin. Filmde suwperisi Arieliň baş keşbini Holli Beýli ýerine ýetirýär. Jon Hauer-King şazadanyň, Hawýer Bardem Şa Tritonyň, Melissa Makkarti jadygöý Ursulanyň keşbini oýnady.
Film Gans Hristian Anderseniň nusgawy ertekisine esaslanýar. Sýužete görä, Ariel şazada Eriki halas eder we oňa aşyk bolar, ýöne daş görnüşi sebäpli onuň bilen bolup bilmez. Şonda gahryman jadygöý Ursula bilen şertnama baglaşmaga razy bolýar we sesini onuň aýaklaryna çalyşýar. Şazadany ogşamak üçin suwperisiniň bary-ýogy üç güni bar.
Taslama Rob Marşal ("Geýşanyň ýatlamalary", "Çikago") režissýorlyk etdi we Dewid Magi (“Piýiň durmuşy”) edebi esasyny ýazdy. Film 2023-nji ýylyň 24-nji maýynda dünýä premýerasyna çykar.
