Jeýms Kemeronyň “Awatar: Suwuň ýoly”, Stiwen Spilbergiň “Fabelmanlar” we Martin MakDonanyň “Inişeriniň Banşisi” filmleri “Iň gowy film” nominasiýasynda “Oskar” baýragyna dalaş ederler. Bu barada baýragyň guramaçylary habar berdi diýip, interfax.ru belleýär.
Şeýle-de, bu nominasiýada baýraga dalaş edýänleriň arasynda Jozef Kosinskiniň “Top Gan: Mewerik”, Todd Fildiň “Tar”, Baz Lurmanyň “Elwis”, Den Kwan bilen Deniel Şaýnertiň “Hemme zat hemme ýerde we birbada”, Ruben Estlundyň “Gussalyk üçburçlugy” hem-de Edward Bergeriň “Günbatar frontda üýtgeşme ýok”, Sara Polliniň “Zenanlar diýýär” filmleri bar.
“Iň gowy režissýor” Martin MakDona (“Inişeriniň Banşisi”), Den Kwan we Deniel Şaýnert (“Hemme zat hemme ýerde we birbada”), Stiwen Spilberg (“Fabelmanlar”), Todd Fild (“Tar”), Ruben Estlund (“Gussalyk üçburçlugy”) bolup biler.
“Iň gowy aktrisa” adyna “Tar” filmi üçin Keýt Blanşett, Ana de Armas (“Blondin”), Andrea Raýzboro (“Lesliniň hatyrasyna”), Mişel Uilýams (“Fabelmanlar”) we Mişel Ýeo (“Hemme zat hemme ýerde we birbada”) dalaş edýär.
“Iň gowy aktýor” Ostin Batler (“Elwis”), Kolin Farrell (“Inişeriniň Banşisi”), Brendan Freýzer (“Läheň”), Pol Meskal (“Meniň Güneşim”) ýa-da Bill Naýi (“Ýaşamak”) bolup biler.
“Iň gowy original ssenariýa” kategoriýasynda baýrak üçin “Inişeriniň Banşisi”, “Hemme zat hemme ýerde we birbada”, “Fabelmanlar”, “Gussalyk üçburçlugy” we “Tar” bäsleşýär. “Iň gowy adaptirlenen ssenariýa” nominasiýasynda bolsa dalaşgärler hökmünde “Günbatar frontda üýtgeşme ýok”, “Pyçaga el ýetirmek: Monokl”, “Ýaşamak”, “Top Gan: Mewerik” we “Zenanlar diýýär” filmleri görkezilýär.
“Ikinji plandaky aktrisa” nominasiýasynda baýraga şular dalaş edýär: “Gara Babyr: “Wakanda baky” filmi üçin Anjela Bassett, Hong Çau (“Läheň”), Kerri Kondon (“Inişeriniň Banşisi”), Jeými Li Kertis we Stefani Hsýu (ikisi-de “Hemme zat hemme ýerde we birbada”). Şular ýaly erkekler üçin nominasiýada Brendan Glison (“Inişeriniň Banşisi”), Braýan Taýri Genri (“Kölüň üstünden geçýän köpri”), Jadd Herş (“Fabelmanlar”), Barri Keogan (“Inişeriniň Banşisi”) we Ke Hýui Kuan (“Hemme zat hemme ýerde we birbada”) baýrak üçin bäsleşer.
Iň gowy animasion film “Pinokkio Gilýermo del Toro”, “Marsel, aýakgapdaky balykgulak”, “Ädikli pişik 2: Iň soňky isleg”, “Deňiz nägehany” we “Men gyzarýaryn” bolup biler.
Şu ýyl degişli kategoriýada “Oskar” baýragy üçin dalaşgärleriň arasynda Maksim we Ýewgeniý Arbugaýewleriň “Çykalga” aty gysga metražly dokumental filmi hem görkezildi. Baýraklaryň gowşurylyş dabarasy 12-nji martda geçiriler.
