Aktrisa Jeými Li Kýortis “Hemme zat hemme ýerde we birbada” filminde ýerine ýetiren salgyt gözegçisiniň keşbi üçin “Ikinji plandaky iň gowy aktrisa” nominasiýasynda “Oskar” baýragyna eýe boldy. Jeými Li Kýortis üçin bu “Oskara” ilkinji nominasiýa bolupdy. Häzir aktrisa 64 ýaşynda, ol 80-den gowrak filmde surata düşdi. Ol 1978-nji ýylda Jon Karpenteriň “Hellowin” trillerindäki keşbinden soň meşhurlyga eýe boldy.
Ikinji plandaky iň gowy aktrisa adyna beýleki dalaş edenleriň arasynda Anjela Bassett (“Gara Babyr: Wakanda baky”), Hong Çau (“Läheň”), Kerri Kondon (“Inişeriniň Banşisi”) we Stefani Sýuý (“Hemme zat hemme ýerde we birbada”) bardy.
