Amerikan kino akademiýasy "Oskar" baýragynyň gowşurylyşynyň düzgünlerine üýtgetmeler girizdi. Täze düzgünler 2027-nji ýylda geçiriljek baýragyň 99-njy gowşurylyş dabarasyndan başlap güýje girer.
Aktýorlar indi öz işlerine iň gowy bäşligiň arasynda ses berilse, bir kategoriýada birnäçe gezek dalaşgär bolup bilerler. Diňe titrlerde görkezilen we aktýorlaryň razylygy bilen ýerine ýetirilen keşpler göz öňünde tutular.
"Iň gowy ssenariý" kategoriýasy üçin diňe adam tarapyndan ýazylan tekstlere serediler. Akademiýanyň emeli aňyň ulanylyp-ulanylmandygy we awtorlyk derejesi barada maglumat soramaga hukugy bardyr.
Halkara film kategoriýasynda bir ýurtdan birnäçe film dalaşgär görkezilip bilner. Alty sany uly kinofestiwalyň: Kann ("Altyn palma şahasy"), Wenesiýa ("Altyn arslan"), Berlin ("Altyn aýy"), Sandens (Dünýä kinosynyň Gran-prisi), Toronto ("Platforma" baýragy) ýa-da "Pusan" (iň gowy film baýragy) festiwallarynyň ýeňijileri üçin dalaşgärlige awtomatiki görkezilmek göz öňünde tutulýar. Dalaşgärlik filme berilýär we baýrak režissýoryň eline berilýär.
Beýleki üýtgeşmeler:
"Iň gowy kasting" - üç baýrak göz öňünde tutulan.
Iň gowy operatorlyk işi – 20 filmden ybarat gysga sanaw kesgitlendi
"Iň gowy grim we saç bezegi" - hünärmenleriň ara alyp maslahatlaşmalaryna hökmany gatnaşmak girizildi
"Iň gowy wizual effektler" - ses bermek üçin prezentasiýa materiallaryna göz aýlamak talap edilýär
