Carscoops-yň habaryna görä, Hyundai kompaniýasy 2024-nji model ýylynyň Hyundai Sonata-synyň ähli tekeri hereketli görnüşini synagdan geçirýär we synag wagtynda täze sedanyň prototipiniň ýaşyryn düşürilen suratlaryny çap edýär.
Şol bir wagtyň özünde, awtoulagyň ähli tekeri hereketli we göni pürkýän 2,5 litrlik benzinli hereketlendiriji bilen enjamlaşdyrylandygyny görkezýän häsiýetnamaly ýazgy awtoulagyň öň aýnasyna berkidilen.
Ýazgydaky maglumatlaryň ygtybarlylygyna hiç hili delil ýok, ýöne Sonata-nyň gammasynda ähli tekeri hereketli görnüşiň peýda bolmagy sowuk howaly ýurtlardan müşderileri özüne çekmek üçin logiki ädim ýaly görünýär. Mundan başga-da, koreý sedanynyň esasy bäsdeşlerinde ähli tekeri hereketlileri bar: Toyota Camry ony 2019-njy ýylda aldy, şeýle hem Kia K5 GT Line-de ähli tekeri hereketli awtoulaglar bar.
Täze Sonatanyň salonynyň suratlarynda, häzirki wersiýasynda hödürlenmeýän media ulgamynyň giň formatly ekranyny görüp bilersiňiz. Şeýle hem Sonata 2024-iň öň tarapynyň bezeginde düýpli üýtgeşmeleriň boljakdygy mälimdir.
