Katandzaro welaýatyndaky mekdebiň okuwçylary tarapyndan çekilen başy tuwalgaly ak we goňur gornostaýlar 2026-njy ýylda Milan we Kortina d'Ampezzo şäherlerinde geçiriljek gyşky Olimpiýa oýunlarynyň tumarlary bolmak ugrundaky halk ses berlişiginde ýeňiş gazandylar. Bu barada çarşenbe güni Inside the Games portaly habar berdi.
Pikir soraşma gatnaşanlaryň 53%-i gornostaýlara ses berdi. 2026-njy ýyldaky Olimpiýa oýunlarynyň guramaçylyk komiteti gornostaýlary entek tumar hökmünde resmi taýdan tassyklamady, guramaçylar ýylyň ahyryna çenli öz saýlan tumarlaryny yglan ederler. Jemleýji tapgyrda Italiýanyň Alp daglarynda giňden ýaýran edelweýs we podsnežnik olaryň garşydaşlary boldy. Olar pikir soraşmalarda ikinji ýeri eýelediler.
Seçip alyş işi birnäçe tapgyrdan ybarat boldy. Ilki bilen italýan mekdepleriniň okuwçylaryndan iki tumaryň (biri Olimpiýa oýunlary, beýlekisi Paralimpiýa oýunlary üçin) çyzgysyny tabşyrmak haýyş edildi. Soňra bilermenler topary jübütleriň gysga sanawyny kesgitledi, şondan soň onlaýn-pikir soraşma başlandy. Jemi 1600 töweregi arza berildi.
Milanda we Kortina d'Ampezzoda geçiriljek Olimpiýa oýunlary 2026-njy ýylyň 6-njy fewralyndan 22-nji fewraly aralygynda meýilleşdirilýär. Paralimpiýa oýunlary 6-15-nji mart aralygynda geçiriler.
