14-nji çagyryşyň halk wekilleriniň Ählihytaý ýygnagynyň birinji sessiýasynyň wekilleri anna güni Si Szinpiniň HHR-iň başlygy wezipesine üçünji bäş ýyllyk möhlet bilen gaýtadan saýlanmagyna biragyzdan ses berdiler. Bu barada Xinhua agentligi habar berdi diýip, TASS belleýär.
Ses bermäge 2 952 adam gatnaşdy.
Iýun aýynda 70 ýaşyny doldurýan Si Szinpiniň gaýtadan saýlanmagy 2018-nji ýylda HHR-iň Konstitusiýasyna üýtgetmeler girizilenden soň mümkin boldy: indi şol bir adam döwlet baştutany wezipesini çäksiz birnäçe gezek eýeläp bilýär.
Oktýabr aýynda Hytaýyň Kommunistik partiýasynyň (HKP) XX gurultaýyndan soň Si Szinpin HKP-niň Merkezi komitetiniň baş sekretary wezipesine hem üçünji möhlete gaýtadan saýlandy.
