2020-nji ýyldaky saýlawlarda Demokratik partiýanyň adyndan ABŞ-nyň prezidentligine dalaşgär hödürlenmegini isleýän amerikaly ýazyjy Marianna Uilýamson ýene-de saýlawyň öňýanyndaky ýaryşa gatnaşmak isleýär.
Ol 4-nji martda Waşingtonda geçirilen mitingde: "Biz ýurtda bolup geçýän wakalara gynanýarys, ýurt babatynda biynjalyk bolýarys" - diýdi. Demokratik partiýanyň tarapdary bolan 70 ýaşly Uilýamson, "adalatsyzlygyň we gorkynyň güýçlerini" ýeňip geçjekdigine ynandyrdy. Ýazyjy: "Şu gün men Amerikanyň Birleşen Ştatlarynyň prezidentligine dalaşgär" - diýdi. Saýlaw kampaniýasynyň dowamynda ABŞ-daky girdejilerdäki deňsizlik we parahorluk meselelerine ünsi jemlemegi maksat edinýändigini aýtdy.
Wilýamson 2020-nji ýylda ABŞ-nyň prezident saýlawlaryndan öňinçä prezidentlige dalaş edişligiň ýaryşlaryna bir ýyllap gatnaşyp gezdi. Jemgyýetçilik pikir soraşmanyň maglumatlaryna görä, saýlawçylaryň ýeterlik goldawyny alyp bilmedi.
ABŞ-da prezident saýlawy 2024-nji ýylda geçiriler.
