«PSŽ-niň» hüjümçisi Neýmar alan şikesi zerarly 3-4 aýlap oýna çykyp bilmez. Bu barada klubuň resmi saýty habar berýär.
«Soňky ýyllarda Neýmaryň sag topuk bognunda birnäçe gezek mesele çykdy. Futbolçy 20-nji fewralda alan şikesinden soň, klubuň lukmançylyk ştaby agyr şikesiň öňüni almak maksady bilen bogunlary dikeltmek boýunça operasiýa geçirmegi maslahat berdi. Bilermenleriň ählisi bu karary tassyklady.
Operasiýa ýakyn wagtda Dohada geçiriler. Operasiýadan soňky dikeldiş möhleti — üç-dört aý» — diýlip, parižlileriň metbugat gullugynda habar berilýär.
Liga 1-iň häzirki möwsüminde braziliýaly oýunçy «PSŽ» üçin 20 duşuşyga gatnaşdy, 13 gol geçirip, 11 gezek netijeli pas berdi.
