Amerikaly telekeçi we respublikaçy syýasatçy Perri Jonson 2024-nji ýyldaky saýlawlarda Amerikanyň Birleşen Ştatlarynyň prezidentligine dalaş etmek isleýändigini mälim etdi diýip, anna güni Associated Press-iň habar berendigini Interfaks ýazdy.
Ol twitterde: "Düýn agşam kärdeşlerime ABŞ-nyň prezidentligine dalaş edýändigimi höwes bilen habar berdim" - diýip ýazdy.
Jonson niýetini, CPAC Konserwatiw-respublikanlaryň konferensiýasynda çykyş edeninden soň, goldawçy toparyna mälim etdi. Agentligiň bellemegine görä, konferensiýanyň özünde welin ol meýilnamalary barada hiç zat aýtmandyr.
Geçen ýyl Jonson Miçiganyň gubernatory wezipesine dalaş etmekçi boldy, ýöne onuň arzasy ret edildi, sebäbi dalaşgärliginiň goldanylmagy üçin onuň gol galplygyna ýol berenliginiň döwlet saýlaw toparynyň işgärleri tarapyndan üsti açyldy. Talap edilýän 13,8 müň goluň 9 müňden gowragy ýatyrylmaly boldy.
