2023-nji ýylyň Parahatçylyk boýunça Nobel baýragyna 305 dalaşgär hödürlenip, olardan 212-si fiziki şahs we 93-üsi guramadyr. Bu barada Norwegiýanyň Nobel komiteti habar berdi diýip, news.zerkalo.io belleýär.
“305 dalaşgär – bu geçen ýyla garanyňda (343) azdyr we 2019-njy ýyldan bäri iň az mukdardyr. Eýýäm yzygider sekiz ýyl bäri dalaşgärleriň sany 300-den geçýär. Häzirki 376 dalaşgär rekordy 2016-njy ýylda gazanyldy” – diýip, metbugat relizinde bellenilýär.
Metbugat gullugy baýraga dalaşgärleriň doly sanawynyň diňe baýrak gowşurylandan 50 ýyldan soň mälim edilip bilinýändigini ýatladýar. Muňa garamazdan, käwagt dalaşgärleriň atlary HBS-iň üsti bilen belli bolýar.
Mysal üçin, öň 19 ýaşly şwesiýaly ekoaktiwist Greta Tunbergiň we onuň Fridays for Future (“Geljegiň hatyrasyna annalar”) hereketiniň dördünji gezek Parahatçylyk boýunça Nobel baýragyna dalaşgär görkezilendigi habar berlipdi. 2019-njy ýylda Tunberg bu baýragy almak üçin bukmeker kompaniýalarynyň faworiti boldy.
