Nemes lukmanlary göçürilen süňk ýiliginiň öýjükleriniň kömegi bilen AIW-i bejermegiň üçünji şowly ýagdaýyny yglan etdiler. Näsag olary immun öýjüklerini immun ýetmezçiligi wirusynyň hüjümlerinden goraýan mutasiýaly donordan aldy. Bu baradaky iş Nature žurnalynda çap edildi. Dýusseldorf uniwersitetiniň metbugat gullugy netijeleri yglan etdi.
Dýusseldorf uniwersitetiniň (Germaniýa) ylmy işgäri Born Ýenseniň: "Synaglarymyz iki çemeleşme - hassanyň bedenini "ukuda ýatan" ýokançly, kesel immun öýjüklerinden arassalamak, şeýle hem AIW-e garşy dogabitdi immunitetli immun ulgamynyň öýjüklerini transplantasiýa etmek arkaly AIW-iň köpelmegini basyp biljekdigimizi ynam bilen aýtmaga mümkinçilik berýär. Bu wirus ýokançlygynyň gaýtadan örç almagyna mümkinçilik bermeýär "- diýip mälim edendigini ýokary okuw mekdebiniň metbugat gullugy habar berýär.
Häzirki wagtda Ýer ýüzünde iki adam AIW-den doly bejerildi diýlip ykrar edildi. Olaryň birinjisi, "Berliniň hassasy", süňk ýiliginiň transplantasiýasyndan soň wirusa garşy immunitet alan amerikaly Timoti Braundyr. Şonuň ýaly-da, wenesuelaly Adam Kastilýeho atly "londonly hassa" immunitet ýetmezçiligi wirusyndan halas boldy.
