Peugeot Sport kompaniýasy täzelenen Peugeot 508 hatarynyň ýakyn wagtda hödürlenjekdigini habar berdi. Fransuz şereketi sedan, uniwersal we 508 PSE bilen 508 SW PSE-niň iki sport görnüşi babatynda gowulaşmalaryň boljakdygyny wada berýär.
Kompaniýa awtoulagy bölekleýin görkezýän gysga wideoroligi çap etdi. Ýöne onda teker dizaýnyny, öňdäki spoýleriň bir bölegini we kompaniýanyň täzelenen nyşany bilen kamera goýlan radiator gözenegini görmek bolýar.
Awtoulagyň korpusynyň dizaýny täzelener, faralary, yzky çyralary başgaça bolar we beýleki üýtgeşmeler giriziler. Salonda täze materiallaryň, has uly ekranlaryň ulanylmagyna garaşylýar we şassi sazlamalary rahatlyk duýgusyny döreder we sporta mahsus öwüşgini goşar diýip, çeşme sözüniň üstüni ýetirdi. Şeýle hem, öňdebaryjy sürüjilik kömek tehnologiýalarynyň ulanyljakdygy barada gürrüň edilýär.
