«Türkmenistan» awiakompaniýasy Pekine yzygiderli howa gatnawlaryny dikelder. Aşgabatdan (ASB) Pekine (PEK) gatnawlar häzirlikçe hepdede iki gezek ýerine ýetiriler. Ilkinji uçuş 24-nji marta meýilleşdirildi. Bu barada Aşgabadyň Halkara howa menziliniň sorag-jogap gullugynda habar berdiler.
23-nji fewraldan Aşgabat-Pekin ugry boýunça awiapetekler satuwa çykaryldy.
Aşgabatdan Pekine çenli uçuşyň ekonom klasynyň biletiniň bahasy ýurdumyzyň raýatlary üçin 9275 TMT, biznes klas — 11375 TMT. Yzyna uçuş 553 USD we 853 USD (biznes klas).
Daşary ýurtly raýatlar üçin Aşgabat – Pekin gatnawynyň ekonom klasynyň biletiniň bahasy 600 USD we biznes klas üçin 850 USD bolar. Yzyna awiabiletleriň bahasy degişlilikde 603 USD we 853 USD bolar.
Has jikme-jik maglumatlary «Türkmenistan» awiakompaniýasynyň edarasyndan ýa-da Aşgabat halkara howa menziliniň sorag-jogap gullugyndan alyp bilersiňiz.
