Türkmenistanyň Mejlisiniň Başlygy Gülşat Mämmedowa Türkmenistanyň Prezidentiniň tabşyrygy boýunça daşary ýurtlaryň ýurdumyzda täze bellenen ilçilerinden ynanç hatlaryny kabul etmegini dowam edýär. 16-njy fewralda Mejlisiň Başlygy Şwesiýanyň Adatdan Daşary we Doly ygtyýarly ilçisi Tomas Danestad, Niderlandlardan — Andre Karstens we Mongoliýadan — Dorjiýn Baýarhu bilen duşuşdy.
Serdar Berdimuhamedowyň adyndan milli parlamentiň ýolbaşçysy daşary ýurtly diplomatlaryň her birini jogapkärli wezipä bellenilmegi bilen gutlap, olara ikitaraplaýyn we köptaraplaýyn esasda, şol sanda iri halkara guramalaryň we düzümleriň çäklerinde üstünlikli ösdürilýän dostlukly gatnaşyklary, döwletara hyzmatdaşlygy pugtalandyrmak işinde uly üstünlikleri arzuw etdi
Duşuşyklaryň barşynda deňhukuklylyk we özara bähbitlilik esasynda guralýan netijeli hyzmatdaşlygyň giň meseleleri boýunça pikir alşyldy.
