Fransiýanyň Louis Vuitton moda öýi amerikaly sazanda we dizaýner Farrell Uilýamsyň täze döredijilik müdiri boljakdygyny habar berdi. Ol brendiň erkekler üçin hataryna ýolbaşçylyk eder. Bu barada buro247.ru belleýär.
Uilýams tarapyndan döredilen ilkinji kolleksiýa Parižde geçiriljek Erkekleriň moda hepdeliginiň çäginde hödürlener. Ol 2024-nji ýylyň iýun aýynda geçiriler.
“Farrel Uilýams döredijilik dünýäsi aýdym-sazdan sungata we moda çenli uzalyp gidýän öňdengörüjidir. Soňky ýigrimi ýylda ol özüni dünýä derejesindäki medeni ikona hökmünde görkezdi. Onuň öwrenýän dürli dünýäsinde serhetleri bozmagy Louis Vuitton-yň Medeniýet öýi hökmünde statusyna laýyk gelip, onuň innowasiýa, täzeçillik ruhy we telekeçilik gymmatlyklaryny berkidýär” – diýlip, Louis Vuitton-yň habarynda aýdylýar.
Brendiň başlygy we ýerine ýetiriji müdiri Pýetro Bekkari: “Men 2004-nji we 2008-nji ýyllarda Louis Vuitton üçin hyzmatdaşlygymyzdan soň Farrelli erkekler kolleksiýasynyň täze döredijilik müdiri hökmünde garşylamaga şat. Onuň modanyň çäginden daşary döredijilik gözýetimi, gürrüňsiz, Louis Vuitton-y täze we özüne çekiji tapgyra elter” diýip belleýär.
