Twitteriň we Tesla kompaniýasynyň ýolbaşçysy Ilon Mask Gleýzerler maşgalasy tarapyndan «Mançester Ýunaýtediň» satylmagy bilen bagly ýagdaýa üns berýär diýip, Daily Mail habar berýär.
Arza tabşyrmagyň möhleti anna güni tamamlanar. Kluby satyn almaga dalaş edýänleriň arasynda Saud Arabystanyndan hem birnäçe maýadar bar.
Öň, Mask «Ýunaýtedi» satyn almakçydygyny mälim edipdi, ýöne soňrak bu sözleriň degişme bolandygyny aýtdy. Telekeçiniň baýlygy 178 mlrd ýewro, «Mançester Ýunaýtediň» bahasy bolsa 5 mlrd ýewrodan gowrak diýip, championat.com belleýär.
Belläp geçsek, «Twitterde» Maskyň 128,9 mln, toparyň 34,9 mln abunaçysy bar.
Angliýanyň Premýer-ligasynyň häzirki möwsüminde Erik ten Hagyň topary 23 oýunda 46 utuk gazanyp, jedwelde üçünji orny eýeleýär. Ýewropa ligasynyň pleý-off tapgyrynda angliýalylar “Barselona” bilen oýnar.
