Çikago awtoulag sergisiniň öňüsyrasynda Toyota «Grand Highlander» diýlip atlandyrylýan Highlander krossoweriniň täze görnüşini hödürledi. Wsedorožnigiň täze modifikasiýasy has ulaldy, ýöne häzirki Highlander ýaly platformasyny saklap galdy. Kompaniýa Grand Highlander-iň bahalaryny şu tomus yglan eder.
Tigir diskleri - 20 dýuýma çenli.
Krossowerde öň herekete getirijili we doly herekete getirijili güýç gurluşlarynyň üç warianty hödürlener. Baza 2,4 litrlik benzin turbo hereketlendirijisi bolar, orta orny 2,5 litrlik atmosfera hereketlendirijiniň esasynda gibrid tutar. Hybrid Max diýlip atlandyrylýan ýokarky wersiýa bolsa Toyota Crown-da oturdylan agregat bilen enjamlaşdyrylar.
Toyota ulagyň ölçeglerini entek aýtmady, ýöne onuň uzynlygy 4,9 metr bolan adaty Highlander-den ep-esli uludyr. Diňe bagaž bölüminiň aňrybaş göwrümi belli, bu 2775 litr - adaty wersiýadan 700 litr köp. Mundan başga-da, Toyota üç hatar oturgyç doly ulanylsa-da, bagažda ýedi torba sygjak ýeriň bardygyny kepillendirýär.
Grand Highlander-e sekiz ýolagçy sygar, emma Toyota krossowerini ikinji hatarda aýratyn oturgyçly 7 orunlyk görnüşde hem hödürlär. Salonda 13 sany bulgur üçin ýer we 7 USB-C porty bar.
Kompaniýa Grand Highlander-i Amerikanyň Indiana ştatyndaky zawodda öndürer. Wsedorožnigiň adaty görnüşi hem bu ýerde ýygnaýarlar.
