«World Car of the Year» («Dünýäde ýylyň awtoulagy») bäsleşiginiň eminleri alty kategoriýada ýarym finalçylary yglan etdi. Elektrokarlar bu gezek sanawyň ýarysyny diýen ýaly düzdi. Dalaşgärleriň arasynda Hytaýdan bir modeliň hem bardygy bellärliklidir. Finalçylar bir aýdan yglan ediler, ýeňijiler bolsa aprelde Nýu-Ýorkda geçiriljek awtoulag sergisiniň çäginde yglan ediler.
Alfa Romeo Tonale, BMW 2 Series kupesi we X1 krossoweri (elektrik görnüşi bilen bilelikde), Honda HR-V, Ioniq 6, Kia Niro, Mazda CX-60, C-klassly Mersedes-Benz , şeýle hem Nissanyň iki modeli - Ariýa elektrik ulagy we Z kupe 2023-nji ýylyň esasy titulyna dalaş edýärler.
BMW i7, Genesis GV60, Ioniq 6, Kia Niro we Lucid Air "Ýylyň elektrokary" diýen ugurda bäsleşer. BMW 7 Series we Lucid Air, Genesis G90, Range Rover we Range Rover Sport bilen bilelikde “Ýylyň premial awtoulagy” baýragy üçin gysga sanawa girdiler.
"Ýylyň sport awtoulagy" BMW M4 CSL, batareýa bilen işleýän wsedorožnik Kia EV6 GT ulagy, Nissan Z, Porsche 911 GT3 RS we Toyota GR Corolla bolup biler. “Şäher awtoulagy” Citroen C3, Hytaýyň Ora Funky Cat-i we Volkswagen Nivus ýaly ulaglaryň arasyndan saýlanar.
Onsoňam, iň oňat dizaýn üçin baýrak eýýäm agzalan Lusid Air, Ioniq 6, Range Rover we Nissan Z -e berlip bilner we olara başga ýene bir elektrokar - Cadillac Lyriq hem goşular. Şeýlelikde, üç modeliň hersi birbada üç nominasiýa ýygnady: bular Ioniq 6, Lucid Air we Nissan Z.
