“Pari Sen-Žermeniň” we Fransiýanyň milli ýygyndysynyň hüjümçisi Kilian Mbappe Halkara Futbol taryhy we statistika federasiýasy (IFFHS) tarapyndan 2022-nji ýylda Ýewropanyň iň gowy futbolçysy diýlip saýlandy. Bu barada guramanyň saýtyna salgylanyp, rsport.ria.ru habar berýär.
Geçen ýyl Mbappe “Pari Sen-Žermen” bilen bilelikde Fransiýanyň çempionatynda we Super kubogynda ýeňiş gazandy. Ol milli toparynyň düzüminde Katarda geçirilen dünýä çempionatynyň finalyna çykdy.
Mbappe 2018-nji ýylda “Monakodan” “PSŽ-e” geçdi. Öň hüjümçi IFFHS tarapyndan 2022-nji ýylda Ýewropanyň iň gowy oýunçylarynyň ýygyndysyna goşuldy.
Ýewropanyň iň gowy ýaş futbolçysy (20 ýaşa çenli) Dortmundyň “Borussiýasynyň” we Angliýanyň milli ýygyndysynyň ýarym goragçysy Jud Bellingem boldy. Oýunçy milli topary bilen bilelikde dünýä çempionatynyň 1/4 finalyna çykdy.
