2024-nji model ýylynyň Toyota Grand Highlander-i 8-nji fewralda tanyşdyrylar, häzirlikçe bolsa kompaniýa ulagyň salonynyň giňligine baha bermäge mümkinçilik berýän surat çap etdi.
Toyota täze Grand Highlander-i «işjeň maşgala kruizeri» hökmünde häsiýetlendirýär. Üçünji hatarda ulularyň rahat oturmagy üçin aýak goýara ýeterlik giňişlik bar diýip nygtalýar. Bagažda ýedi bölek goş goýmaga ýer bar.
Salonyň suratynda üçünji hataryň iki gapdalynda bulgur goýulýan giňiş ýeriň bardygy görünýär. Şeýle hem ykjam gurluşlara zarýad berilýän ýer bar.
Öňki tizer Grand Highlander-iň yzky bölegini görkezdi. Adaty modeliň insiz, gyralary ýiti inçelip gidýän çyralary bar bolsa, bu awtoulagda inedördül görnüşli faralar bar. Modeliň ady yzky aýnanyň astynda görnükli ýerde goýlan. Tizerde Hybrid Max nyşany görünýär.
Highlander häzirki wagtda 265 at güýjüni ösdürýän 2,4 litrlik turbo görnüşli dört silindrli hereketlendirijili, aýlanýan pursady 419 Hm görnüşinde çykýar. Şeýle hem 2,5 litrlik dört silindrli hereketlendirijili we umumy kuwwaty 243 at güýji bolan iki hereketlendirijili gibrid görnüşi bar. Grand Highlander-iň bu güýç agregatlarynyň biri bilen elýeterli bolarmy, entek belli däl.
