Turkish Airlines awiakompaniýasy Türkmenbaşy — Stambul — Türkmenbaşy ugry boýunça gatnawlarynyň petekleriniň bahasyny arzanlatdy. Atavatan Türkmenistan neşiriniň berýän maglumatlaryna görä, gidiş-geliş petegini onlaýn görnüşde 351 dollara satyn alyp bolýar.
Türkmenbaşydan (KRW) Stambula (IST) türk howa ýollarynyň uçarlary hepdede iki gezek — sişenbe we penşenbe günleri uçuş edýär.
Aşgabatdan (ASB) Stambula (IST) awiapetekleriniň diňe bir tarapynyň bahasy 367 dollar, gidiş-geliş peteginiň bahasy 655 dollar. Aşgabada gatnawlar hepdede dört gezek — sişenbe, penşenbe, şenbe we ýekşenbe günleri ýerine ýetirilýär.
Turkish Airlines-iň gatnawlaryna petekleri www.turkishairlines.com saýtyndan, iOS we Android üçin mobil goşundylaryndan onlaýn satyn alyp bolýar.
