Fransiýanyň Saglygy goraýyş ministrligi koronawirus bilen bagly howpsuzlyk talaplaryny gowşatdy. Ýagny, COVID keselliler üçin hökmany karantini ýatyrmak kararyna gelindi. Bu barada runews24.ru habar berýär.
Bu çäre şu ýylyň 1-nji fewralyndan güýje girer. Fransiýalylara indi COVID-19 keseli sebäpli karantini berjaý etmek hökmany däl, şeýle-de kesel alamatlary bolmadyk adamlar üçin keselli bilen gatnaşyk barada habar berlenden soň ikinji günde barlagdan geçmeklik hem ýatyrylýar.
Şeýle-de, häkimiýetler 31-nji ýanwardan adamlara gatnaşyk eden adamlarynda koronawirus hadysalarynyň ýüze çykandygy barada habar beren lukmançylyk ätiýaçlandyryş maksatnamasyny bes eder. COVID-19 üçin seljerme işlerine çykdajylar hem döwlet ätiýaçlandyryşyndan aýrylýar.
Fransiýanyň Saglygy goraýyş ministrligi şeýle üýtgeşmeleri koronawirus bilen bagly epidemiki ýagdaýyň oňyndygy hem-de keseliň haýal ýaýramagy bilen düşündirdi.
