Taryhda has isleg bildirilen, has takygy, iň köp satylan telefonlar düwmeli Nokia telefonlary we iPhone boldy. Telefon taryhynda alyjylaryň arasynda iň meşhur telefonlar Nokia kompaniýanyň gajetleri bolup, häzirki wagta çenli bu telefonlardan jemi 3,245 mlrd birlik satyldy. Bu barada ferra.ru habar berýär.
Iň köp satylan modelleriň ýigrimiligine satylan birlikleriň sany boýunça birinji orny eýeleýän meşhur Nokia 1100 modeli girdi – 250 mln, onuň yzyndan Nokia 1110 ýerleşdi – bu gurluşdan 248 mln birlik satyldy. Sanawda 224 mln iPhone 6 we 6 Plus satan Apple hem bar.
Şeýle-de, has isleg bildirilen telefonlaryň hataryna Nokia 105, iPhone 6s we 6s Plus, iPhone 7 we 7 Plus goşuldy. Apple kompaniýasynyň iPhone 11, şol sanda Pro we Pro Max, iPhone 5, iPhone 8 we 8 Plus modelleri-de sanawdan orun aldy.
Düwmeli Nokia telefonlary has meşhur bolsa-da, bu sanawda 152 mln birlik möçberinde satylan garşylykly sensor ekranly Nokia 5230 telefonynyň bardygyny hem bellemek gerek.
