2023-nji ýylyň 15-nji ýanwarynda Russiýa Federasiýasynda internet arkaly geçirilen «Anglius» atly halkara iňlis dili bäsleşiginde Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň 7-nji synp okuwçysy Şirmyrat Geldiýew III orna, şol mekdebiň 8-nji synp okuwçysy Dawut Allalyýew II orna mynasyp boldular.
Belläp geçsek, bu mekdebiň 7-nji synp okuwçysy Rejepmämmet Bäbişow geçen ýylyň 28-nji noýabrynda ABŞ-da geçirilen «World Mathematics Team Championship 2022» atly internet halkara matematika bäsleşiginde altyn medala mynasyp boldy. Bu bäsleşige dünýäniň 17 döwletinden ýüzlerçe zehinli okuwçylar gatnaşdy.
