BMW reňkini üýtgedip biljek prototip awtoulagyny görkezdi. Mundan başga-da, ulagyň sürülişiniň maglumatlaryny öň aýnanyň iç ýüzüne proýektirlemek ýaly aýratynlyklary bar.
Awtoulagyň ady iVision Dee. Geçen ýyl CES sergisinde BMW reňkini diňe akdan gara üýtgedip bilýän awtoulagy görkezipdi. Ýöne, ynha, täze görkezilen awtoulagyň kuzowy welin, älemgoşaryň ähli reňklerinde, tutuş bir öwüşginde ýa-da hatda zolak-zolak görnüşde-de öwşün atýar.
Şeýle hem, BMW şekilleri doly ekrana öwürmek üçin olary öň aýna proýektirlemäge mümkinçilik berdi. Elbetde, beýle awtoulag heniz diňe taslama görnüşindedir.
