Dünýäniň birinji raketkasy ispaniýaly Karlos Alkaras öz Instagramynda şu ýyl tennis boýunça Awstraliýanyň Açyk çempionatyna gatnaşmajakdygyny habar berdi. Muny rsport.ria.ru ýetirýär.
Türgeniň aýtmagyna görä, ol türgenleşikde şikes alýar we bu möwsümdäki ilkinji “Uly Tuwulga” ýaryşyna gatnaşmaga mümkinçilik bermeýär.
“Men möwsüm başlamazdan öň gowy formada wagtym türgenleşikdäki tötänleýin, tebigy däl hereket sebäpli şikes aldym. Bu gezek sag aýagymyň ýarym perdeli myşsasyna şikes ýetdi. Men Awstraliýada iň gowy derejäme ýetmek üçin yhlas bilen işledim, ýöne, gynansak-da, Australian Open-de oýnap bilmerin. Bu agyr degýär, ýöne men gowy niýetde bolmaly, gaýtadan dikelmeli we hereket etmeli” – diýip, Alkaras ýazdy.
Şu ýyl Australian Open 16-njy ýanwardan 29-njy ýanwar aralygynda Melburnda geçiriler. 19 ýaşly Alkaras Professional tennisçileriň assosiasiýasynyň dünýä reýtinginde iň ýaş liderdir. Geçen möwsüm ol ABŞ-nyň Açyk çempionatynyň ýeňijisi bolup, karýerasyndaky ilkinji “Uly tuwulga” titulyny gazandy.
