«Hytaý awtoulaglary» Xiaomi-niň Hytaýyň jemgyýetçilik ýollarynda synag edilýän ilkinji awtoulagynyň suratlaryny, şeýle hem olaryň hytaý çeşmelerinden alnan bahalary baradaky maglumatlary çap etdi.
Xiaomi-niň ilkinji awtoulagyna Modena diýilýär. Öň awtoulagyň bahasy 150-200 müň ýuan (22-29 müň dollar) aralygynda bolar diýip çak edilen bolsa, häzir onuň bahasy 260-300 müň ýuan (38-44 müň dollar) aralygynda diýip aýdylýar.
Her niçigem bolsa, bu ýyl awtoulagyň çykaryna garaşmak bolmaz, sebäbi köpçülikleýin önümçilik diňe 2024-nji ýyla meýilleşdirilýär. Şeýle-de bolsa, bu ýagdaý öndürijiniň täze ulagy hödürlemegine we şu ýyl deslapky sargytlary kabul edip başlamagyna päsgel bermeýär.
Ýollarda görlen synag awtoulagy kuzowy aerodinamiki şekilli, uzyn kapotly we aýna penjiresiniň üsti lazer aralyk ölçeýjili elektrik sedandyr.
Çap edilen maglumatlardan çen tutsaň, awtoulag üç wersiýada bolar, olaryň her biri Qualcomm 8295 bir kristally ulgama eýe bolar. Başky ikisi 400 wolt zarýad bermäge ukyply BYD tarapyndan öndürilen Blade demir-fosfat batareýalaryny alar. Üçünjisi 800 wolt zarýad bermegi goldajak we bary-ýogy 15 minutda 0-dan 80% -e çenli zarýad alyp biljek CATL tarapyndan öndürilen Qilin (Silin) batareýasyny alar.
Şeýle hem, Xiaomi 2025-nji ýylda çykmagyna garaşylýan Le Mans atly elektrikli awtoulagy öndürmegiň üstünde işleýär.
