5-nji ýanwarda Aşgabatda Türkmenistanyň Söwda-senagat edarasynyň sergi merkezinde Gulbaba adyndaky çagalar baýragynyň eýelerini sylaglamak dabarasy boldy. Ýurdumyzyň ähli sebitlerinden gelen zehinli çagalaryň 66-sy ýörite diplomlara we gymmat bahaly sowgatlara mynasyp boldular.
Bäsleşigiň düzgünlerine laýyklykda, oňa 18 ýaşa ýetmedik intellektual we döredijilik ýaryşlarynyň, ders olimpiadalarynyň hem-de milli we halkara derejesindäki sport ýaryşlarynyň ýeňijileri gatnaşyp bilýärler.
Türkmenistanda Gulbaba adyndaky çagalar bäsleşigi 30 ýyldan gowrak wagt bäri (1992-nji ýyldan bäri) geçirilýär we baýrak 3 ýaşyndaka ussatlyk bilen dutar çalyp, öz düzen aýdymlaryny aýtmagy başaran zehinli oglanjyk Gulbabanyň adyny göterýär.
Her ýyl geçirilýän bu bäsleşigiň guramaçylary — Magtymguly adyndaky Ýaşlar guramasy we Türkmenistanyň Bilim ministrligi baýrak alanlaryň hormatyna baýramçylyk konsertini gurady. Onda tanymal aýdymçylar we horeografiki toparlar, şeýle hem Gulbaba adyndaky baýragynyň eýeleri çykyş etdiler.
