1-nji ýanwarda Söwda-senagat edarasynyň zalynda Täze ýyl mynasybetli geçirilen dabarada Döwletliler köşgünde terbiýelenýän çagalara Prezident Serdar Berdimuhamedowyň hem-de Milli Geňeşiň Halk Maslahatynyň Başlygy Gurbanguly Berdimuhamedowyň adyndan sowgatlar gowşuryldy.
Ösüp gelýän ýaş nesliň abadançylygyny hem-de sazlaşykly ösüşini, olaryň saglygynyň berkidilmegini üpjün etmek, döwrebap bilim almak üçin mümkinçilikleriň döredilmegi Türkmenistanyň Prezidentimniň baştutanlygynda alnyp barylýan we üstünlikli durmuşa geçirilýän, umumy ykrar edilen halkara kadalaryna we milli ýörelgelere esaslanýan döwlet syýasatynyň möhüm ugurlarynyň biri hökmünde kesgitlenildi.
