1-nji ýanwardan başlap Hyundai-yň Norwegiýa üçin öndürýän ulaglarynyň hatarynda diňe elektrik modeller galar. Koreýalylar soňky üç ýylyň satuw statistikasyna göz aýladylar we bu gelnen karar girdejilerine ýaramaz täsir etmez diýen pikire geldiler diýip, Insideevs portaly ýazýar.
Norwegiýalylar üç modelden birini satyn alyp bilerler. Hyundai brendinden diňe Kona krossowerini hödürlär, beýleki ikisi - Ioniq subbrendi bolar - bular 5 we 6 modeller.
2020-nji we 2021-nji ýyllarda Hyundai-yň Norwegiýadaky satuwynyň 90% -ini elektrik ulaglary tutdy. Geçip barýan ýylyň jemleri boýunça koreýalylar 93% ösüşe garaşýarlar. Şeýlelik bilen, içinden ot ýandyrylýan hereketlendirijili modellerden ýüz öwrüläýen ýagdaýynda-da, satuwda hiç hili pese gaçyşlyk bolmaz.
Elektrik ulaglaryna geçiş tizliginde Norwegiýa Ýewropada öňdebaryjydyr. Baryp bir ýyl mundan ozal hem ýurduň täze ulaglaryň satuwyndaky paýy 80% -e golaýlapdy. Amerikaly Tesla aýdyň artykmaçlygy bilen bazarda öňdeligi saklaýar.
