«Türkmenistan» awiakompaniýasy Aşgabat bilen Abu-Dabiniň (BAE) arasynda yzygiderli ýolagçy howa gatnawlaryny dikeltdi. Bu ugur boýunça ilkinji gatnaw 23-nji dekabrda amala aşyryldy diýip, ORIENT agentligi Aşgabadyň Halkara howa menziline salgylanyp habar berýär.
Gatnawlar her anna güni ýerine ýetiriler. Aşgabatda uçuş 18:00, Abu-Dabiden yzyna 21:00-da ýerine ýetiriler. «Türkmenhowaýollarynyň» resmi saýtynda 28-nji dekabrdaky ýagdaýa görä, awiapetegiň bahasy 5 müň 639 manat 80 teňňe.
Noýabr aýynda Birleşen Arap Emirlikleri daşary ýurtly syýahatçylar üçin ýurda girmekde PZR barlagynyň jogabyny we COVID-19-a garşy sanjym şahadatnamasyny görkezmek talabyny ýatyrdy.
«Türkmenhowaýollary» şeýle hem her hepdäniň duşenbe we çarşenbe günleri Dubaýa yzygiderli gatnawlaryny dowam edýär.
