26-njy dekabrda Toyota Motor Corp noýabr aýynda awtoulaglaryň dünýädäki önümçiliginiň ýokarlanandygyny habar berdi. Üstümizdäki ýylyň güýzüniň soňky aýynda kompaniýa 833 104 awtoulag öndürip, täze rekord gazandy.
Ýaponiýada Toyotanyň içerki önümçiligi 3,3% pese düşüp, 266 174 awtoulag, şol bir wagtda daşary ýurtlardaky önümçiligi rekord 3,8%-e çykyp, 566 930 ulag bolupdyr.
Toyotanyň wekilleriniň sözlerine görä, noýabr aýynda ählumumy satuwlar we önümçilik, durnukly islegiň (aýratynam, Demirgazyk Amerikada) bolmagy, ozal COVID-19 pandemiýasy sebäpli bozulan ätiýaçlyk şaýlarynyň üpjünçilik zynjyrynyň dikeldilmegi netijesinde, geçen ýylky derejesinden artypdyr.
