Hindistanyň howa menzillerinde gelýän daşary ýurtlularyň 2%-ni arasynda saýlap, koronawirus barlagyndan geçirerler diýip, ýurduň parlamentinde Saglygy goraýyş ministri Mansuh Mandawiýa habar berdi. Bu barada The Times of India ýazýar.
Hytaýda, Ýaponiýada, Günorta Koreýada, Fransiýada we ABŞ-da COVID-19 bilen keselleýänleriň sanynyň artmagy, şeýle-de, Hindistanyň öz dört ştatynda "omikron" BF.7 ştammynyň podwariantynyň ýüze çykmagy netijesinde şeýle karara gelindi diýip, ministr düşündirdi.
Ýetip gelýän baýramçylyklaryň öňüsyrasynda ştatlaryň hökümetlerini hüşgärligi saklamaga we raýatlara örtük geýmegi, ellerini antiseptikler bilen arassalamagy maslahat bermäge çagyrdy.
Saglygy goraýyş ministrligi häzirlikçe keselçiligiň derejesiniň ýokary ýurtlaryndan reýsleri kabul etmegi bes etmegi meýilleşdirmeýär diýip, pudagyň ýolbaşçysy belledi.
Şeýle-de, ol ştatlaryň hökümetlerini koronawirusyň täze ştamlarynyň ýüze çykmagynyň mümkindigi üçin gözegçiligi güýçlendirmäge we ähli položitel çykan testleri, genomy sekwenirlemek üçin, barlaghanalara ýollamaga çagyrdy.
