Türkmenistanyň Baş arçasynyň beýikligi 43 metr. Ol Garaşsyz Döwletleriň Arkalaşygynyň ýurtlarynyň çäginde iň beýik arça hökmünde ykrar edildi. Degişli reýtingi Turstat portaly hödürledi.
Ilkinji bäşlige Ýerewandaky (37 m), Daşkentdäki (35 mt), Bakudaky (34 m) we Duşenbedäki (30 m) arçalar girdi.
Täze ýylyň esasy bezegi Aşgabatda «Älem» medeni-dynç alyş merkeziniň öňündäki meýdançada gurnaldy. Baş arçanyň yşyklary 15-nji dekabrda ýakyldy.
Sanawda onluga Moskwada Kremliň Sobor meýdançasynda oturdylan arça hem girdi. Bu janly arçanyň beýikligi 27 metr. Ondan soň Minsk (27 m), Astana (25 m), Bişkek (25 m) we Kişinýow (20 m) gelýär.
