Fransiýanyň milli ýygyndysy Dünýä çempionaty — 2022-niň ýarym finalynda Marokkodan 2:0 hasabynda üstün çykdy. Netijede Didýe Deşamyň şägirtleri dünýä birinjiliginiň finalyna çykdylar. Fransuzlar finalda öňküsi gün Horwatiýany 3:0 hasabynda ýeňen argentinalylar bilen duşuşarlar.
Argentina bilen Fransiýa soňky gezek öz aralarynda 2018-nji ýylda — Russiýada geçen dünýä çempionatynyň 1/8 finalynda duşuşdylar. Şol duşuşykda fransuzlar 4:3 hasabynda ýeňiş gazandylar.
Final duşuşygy Katarda ýekşenbe güni, 18-nji dekabrda geçer.
