Xiaomi kompaniýasy Xiaomi 13 we Xiaomi 13 Pro smartfonlaryny tanyşdyrdy. Täze smartfonlar Qualcomm-yň iň aňrybaş çipine eýe boldy.
Smartfonlaryň ikisinde-de 8-den 12 GB-a çenli operatiw ýatly Snapdragon 8 Gen 2 prosessory, 128-den 512 GB-a çenli ýat, IP68 standart boýunça suwdan goraýan korpus we stereodinamikalar ulanylýar. Şunuň bilen olaryň meňzeşligi tamam bolýar, 13 Pro bolsa ýönekeý modelden garaşylyşy ýaly gowy.
Xiaomi 13-e 2400x1080 piksel razreşeniýeli, diagonaly 6,36 dýum bolan, 120 Gs-e çenli täzeleniş tizlikli we HDR10+, HLR we Dolby Vision tehnologiýalaryny göterýän ýasy OLED- ekran oturdyldy. Akkumulýatorynyň sygymy 4500 mAç, 67 wattlyk simli, 50 wattlyk simsiz we 10 wattlyk rewersiw zarýadka bilen goldanylýar. Öň kamerasy 32 megapiksellik, esasy kameranyň bolsa Leica optikasy we üç moduly bar: optiki stabilizasiýaly esasysy 50 Mp, swerhşirik 12 Mp we telewik 3 gezek optiki zumly 10 Mp. 8+128 Gb, 8+256 Gb, 12+256 Gb we 12+512 Gb konfigurasiýalar elýeter.
Xiaomi 13 Pro iki gapdaly egreldilen, 3200x1440 piksel razreşeniýeli 6,73 dýumlyk, täzeleniş tizligi 1-den 120 Gs-e çenli bolan we HDR10+, HLG, Dolby Vision tehnologiýalary bilen goldanylýan OLED ekran oturdylan. Akkumulýatorynyň sygymy 4820 mAç, 120 wattlyk simli, 50 wattlyk simsiz we 10 wattlyk rewersiw zarýadka bilen goldanylýar. Öň kamerasy 32 megapiksellik, esasy kameranyň bolsa Leica optikasy we üç moduly bar: optiki stabilizasiýaly esasysy 50 Mp, swerhşirik 50 Mp we telewik 3 gezek optiki zumly 10 Mp. 8+128 Gb, 8+256 Gb, 12+256 Gb we 12+512 Gb konfigurasiýalar elýeter.
