Mazda kompaniýasy täzelenen Mazda 6-ny we awtoulagyň bazara çykmagynyň 20 ýyllygyna bagyşlanan ýörite ýubileý wersiýasyny hödürledi.
Mazda 6-nyň ýörite 20th Anniversary Edition wersiýasy radiatoryň başga gözenegine, 19 dýumlyk diskleri ýalpyldawyk örtüge, öň ganatlary şildiklere we kürsüleriniň öň tarap kelle goýulýan ýerlerinde 20th Anniversary diýen ýazga eýe boldy. Reňki - dym gyzyl, Artisan Red Premium Metallic.
Täze Mazda 6-nyň esasy üýtgeşmeleri tehniki bölegine degişli boldy: hereketlendirijisi, gazyň pedaly we destiň güýçlendirijisi döwrebaplaşdyryldy, sürüjä kömek bermegiň aktiw ulgamynyň gowulandyrylan toplumlary goşuldy.
2,2 litrlik Skyactiv-D turbodizeli täzelenenden soň 200 a.g.-ne deň bolan kuwwaty hödürleýär, bu ondan öňküden 10 a.g. kändir, aýlanýan pursady 4000 aý/min-da bolanda 25 Hm artdy. Ýapon kompaniýasynyň inženerleriniň tassyklamagyna görä, gazyň pedaly has duýgur boldy. Destiň täze elektrogüýçlendirijisi awtoulagy dolandyrmagy gowulaşdyrdy.
Täze Mazda 6 sedan we uniwersal kuzowly, ol Ýaponiýada ýazda 21,7 müň dollardan başlap 34,8 müň dollara çenli bahadan satylyp başlanar.
