Tite Katarda geçýän 2022-nji ýylyň dünýä çempionatynyň çärýek finalyndaky ýeňlişden soň Braziliýanyň futbol boýunça ýygyndysynyň baş tälimçisi wezipesinden gidýändigini yglan etdi. Titeniň düşündirişini anna güni ESPN teleýaýlymy goýberdi.
Tite: "Agyr ýeňliş, ýöne men öz dünýämde özüm bilen ikiçäklikde galýaryn. Eýýam tamam boldy" - diýdi.
9-njy dekabrda Horwatiýanyň ýygyndysy 11 metrlik urgularda 4:2 hasap bilen dünýä çempionatynyň çärýek finalynda Braziliýanyň toparyny ýeňdi. Oýnuň esasy wagty 0:0 hasap, berlen iki goşmaça taým - 1:1 hasap bilen tamamlandy.
Tite 2016-njy ýyldan bäri Braziliýanyň ýygyndysyna baştutanlyk edip gelýär, onuň ýolbaşçylygynda topar 2019-njy ýylda Amerikanyň Kubogynyň eýesi boldy. Owal ol Braziliýanyň "Gremio", "Internasýonal", "Atletiko Mineýro", "Palmeýras" klublarynda işledi. Şeýle-de, ol birnäçe gezek "Korintians"-yň tälimçisi boldy (2004; 2010-2013; 2015-2016). Topar onuň bilen birlikde iki gezek Braziliýanyň çempiony, Libertadoresiň Kubogynyň eýesi we 2012-nji ýylda klublar arasy dünýä çempionatynyň ýeňijisi boldy.
